1. TİBB VƏ SAĞLAMLIQ

Koronavirus insanların ömrünü orta hesabla 10 ildən çox azaldır

Koronavirus insanların ömrünü orta hesabla 10 ildən çox azaldır

Məlum olub ki, kişilər üçün bu rəqəm 13 ildir, qadınlar üçün isə - 11

Ens.az bildirir ki, Qlazqo Universitetinin tədqiqatçıları ÜST məlumatları əsasında statistik araşdırmalar aparıblar və koronavirus qurbanlarının pandemiya olmasaydı ortalama neçə il yaşaya biləcəyini hesablayıblar. Məlum olub ki, kişilər üçün bu rəqəm 13 ildir, qadınlar üçün isə - 11. Başqa sözlə, infeksiyadan ölənlərlə bağlı yayılmış- "onsuz da özləri tezliklə öləcəkdilər" fikri sadəcə mifdir.

Geniş yayılmış fikrə görə, koronavirus, əsasən, sonrakı bir neçə ildə öləcək yaşlı və xroniki xəstələri öldürür. Hətta çoxları bu arqumentdən karantinin zəruriliyini mübahisələndirmək üçün istifadə edirlər. Bununla belə, yeni məlumatlar açıq şəkildə göstərir ki, COVID-19-dan ölənləri tezliklə ölüm gözləmirmiş.

Qlazqo Universitetinin mütəxəssisləri koronavirusun potensial insan həyatının neçə ilindən məhrum etdiyini öyrənmək qərarına gəliblər. Bu məqsədlə, infeksiya qurbanlarının yaşı, cinsi və sağlamlığı barədə ÜST məlumatlarının hərtərəfli statistik təhlilini aparıblar.

Məlum olub ki, COVID-19-dan ölən orta adam daha 13 il yaşaya bilərmiş. Qadınlar üçün bu hədd 11 il olub.

Başqa sözlə, koronavirusdan ölənlər onsuz da ölüm ərəfəsində olanlar deyil, on ildən çox yaşaya bilən insanlar olub. Müəllif qeyd edir ki, bu, işemik ürək xəstəliyindən olan itkilərlə müqayisə oluna bilər.

Tədqiqatçılar öz işlərində COVID-19 infeksiyasının uzunmüddətli təsirini nəzərə almayıblar. Bununla belə, onun sağlamlığa uzun müddət zərər verə biləcəyinə dair dəlillər mövcuddur, məsələn, ağciyərin fəaliyyətini, yaddaşını pozur, psixikanı dəyişdirir.

Mənbə : zen.yandex.az

 

Məqaləni bəyəndiniz? Sosial şəbəkələrdə izləyin!

Təhqiredici, mövzuya aid olmayan və böyük hərflərlə yazılan şərhlər təsdiqlənməyəcək.

Ən çox baxılanlar

Süleyman Rüstəmin bacısı yazıçı Cəlal Bərgüşadın həyat yoldaşı idi.

Redaktor seçimi

SON XƏBƏRLƏR