Koronavirusla mübarizəyə 15 min tibb işçisi cəlb olunub - RƏSMİ
“Bu günə qədər koronavirusla mübarizəyə qoşulan həkim personalının fəaliyyəti yüksək qiymətləndirilir”.
Ens.az Oxu.Az-a istinadən xəbər verir ki, bu barədə Cəlilabad Rayon Mərkəzi Xəstəxanasının direktoru Elnur Azadxanov bu gün operativ qərargahın KİV nümayəndələri üçün keçirilən brifinqində deyib.
O bildirib ki, bu gün 15 min tibb işçisi koronavirusla mübarizə aparır:
“Ümumilikdə 54 xəstəxana COVID-19-la mübarizəyə cəlb olunub. Hazırda onlardan 34-də koronavirusla mübarizə çərçivəsində xəstələr müalicə alır. Növbəli olaraq 3-5 min tibb işçisi koronavirus xəstələrinə xidmət edir”.
Onun sözlərinə görə, Cəlilabad Rayon Mərkəzi Xəstəxanası da koronavirusla mübarizəyə qoşulduğu gündən yüksək səviyyədə xəstələrə xidmət göstərib:
“Xəstəxanamızın çarpayı bazası, süni tənəffüs aparatları və xəstəliyin mübarizəsində zəruri olan avadanlıqlarla təmin olunub”.
Şərhlər
Şərhləri göstər Şərhləri gizlət