4 aprel 2020, şənbə
.
.
chevron_left chevron_right
TİBB VƏ SAĞLAMLIQ

Koronavirusun müalicəsində şok yenilik: süni nəfəs aparatlarına ehtiyac yoxdur

Yeni Koronavirus Müalicə Texnikası nəfəs aparatlarına ehtiyac duymur

11052 Baxış
Koronavirusun müalicəsində şok yenilik: süni nəfəs aparatlarına ehtiyac yoxdur

Trombun qarşısını almaq üçün istifadə olunan metodika kəskin ağciyər çatışmazlığını müalicə etməyə kömək edəcək. Bu, süni nəfəs aparatlarına olan yükü azaldacaq və koronavirus qurbanlarının sayını azaldacaq. Hazırda bu üsul Amerikasa üç xəstəxanada sınaqdan keçirilir və əgər müvəffəqiyyətli olarsa, tətbiqi genişlənəcək.

Massaçusets Texnologiya İnstitutu və Denverdəki Kolorado Universitetinin tədqiqatçıları COVID-19 nəricəsində kəskin ağciyər çatışmazlığı inkişaf edən xəstələrə kömək edə biləcək bir üsul təklif etdilər. Bu yanaşma koronavirusun nəfəs problemlərinə səbəb olan qanda laxtalanmaya dair dəlillərə əsaslanır.

Tədqiqatçıların fikrincə, plazminogen toxuma aktivatoru kimi məlum olan zülal bu problemin öhdəsindən gələ bilər. Hazırda ondan infarkt keçirən və ya ürək pristupları olan xəstələrdə qanın laxtalanmasının qarşısını almaq üçün istifadə olunur. Bununla belə, ağciyərlərin qan damarlarında mikrotromb riskini də azalda bilər.

Təxminən 20 il əvvəl heyvanlar üzərində aparılan təcrübələr, toxuma plazminogen aktivatorunun ağciyər çatışmazlığına həqiqətən kömək etdiyini göstərib. Lakin, insanlarda bu yanaşmanın effektivliyi sınaqdan keçirilmədi, çünki müasir süni nəfəs cihazları bu problemi yaxşı həll edirdi.

Təəssüf ki, COVID-19 pandemiyası kontekstində süni nəfəs aparatları kəskin şəkildə çatışmır. Bundan əlavə, onların istifadəsi bütün xəstələrə kömək etmir. Buna görə elm adamları köhnə fikrə qayıtmaq məcburiyyətində qaldılar.

Eksperimental müalicə hazırda ABŞ-ın üç klinikasında toxuma plazminogen aktivatoru ilə tətbiq olunmaqdadır. Onu başqa müalicənin kömək etmədiyi xəstələr üçün istifadə edirlər. Dərman xəstələrə iki yolla, venadaxili və ya tənəffüs yollarına damcı ötürülməsi ilə çatdırılır.

Tədqiqatçıların əsas vəzifələri metodun effektivliyini və təhlükəsizliyini sübut etmək, həmçinin qəbulun optimal dozasını və üsulunu müəyyən etməkdir. İlk təcrübənin uğurlu olduğu aşkar edilərsə, təcrübə tez bir zamanda genişləndirilə bilər, çünki demək olar ki, hər xəstəxanada toxuma plazminogen aktivatoru var. Bu nəfəs aparatları problemini azaldacaq və bir çox insanın həyatını xilas edəcək.


Tərcüməçi: Fəxri Qocayev


Mənbə: hightech.plus




Diqqət! Ens.az saytına məxsus materiallardan istifadə edərkən hiperlinklə istinad edilməlidir. Mətndə səhv tapdıqda, onu seçib ctrl + enter düyməsini basaraq bizə göndərməyinizi xahiş edirik.


Android ƏS olan smartfonunuz varsa, xəbərləri daha rahat oxumaq üçün bu linkə keçərək Play Store mağazasından Ens.az proqramını endirib quraşdıra bilərsiniz.


VİDEO QALEREYA
İsa Hüseynov, Nəbi Xəzri və Məstan Günər bacanaq idi. Onlar şair Davud Nəsibin bacıları ilə evlənmişdilər.
Emosiya ilə reaksiya ver!
  • 0
  • 0
  • 0
  • 0
  • 0
  • 0 Şərh
  • anonymous user
    Şərhi göndər
  • DAHA ÇOX NƏTİCƏ YÜKLƏ

FAM Group Media X