Kosmonavtlarla ünsiyyət qaydaları tərtib edilib

Ens.az xəbər verir ki, “Enerji” kosmonavtların hazırlıq mərkəzi və raket-kosmik korporasiyası uçuşların idarə edilməsi mərkəzi ilə kosmonavtlar arasında əlaqənin aparılması üzrə metodik təlimatlar hazırladılar, onlar artıq tətbiq edilib və ilk nəticələrini verib.

“Pilotlu kosmik aparatın heyəti ilə ünsiyyətin əsas prinsipləri bunlardır: açıq və aydın danışmaq, danışıq sürəti dəqiqədə 100 sözdən çox olmamalıdır; informasiyanın ötürülmə yüksəkliyini sabit səviyyədə saxlamaq; danışıqlar qısa, texniki cəhətdən savadlı olmalı, ayrı-ayrı sözlərin tələffüz qaydalarına uyğun, aydın diksiya ilə və parazit sözlər olmadan aparılmalıdır”, - təlimatda deyilir.

“Heyətlə danışıqlar zamanı hər hansı bir mövzuya yanlıç və ya neqativ ifadələr qəbuledilməzdir”, - tərtibatçılar qeyd edirlər.

Eyni zamanda kosmonavtlarla söhbət zamanı salamlaşma və minnətdarlıq sözlərinin istifadəsinə icazə verilir.

Tərtib olunmuş tövsiyələr Rusiyanın qanunvericiliyinə əsaslanır. Onlar artıq uçuşların idarə edilməsi mərkəzinin istifadəsinə verilib. “Onların praktik istifadəsi təcrübəsi bizə BKS heyətinin uçuş tapşırıqlarının operativlik və effektivliyini artırmağa, heyətin fəaliyyətindəki xətaları artırmağa imkan verdi”, - hesabatda deyilir.

Sənəd müəlliflərinin fikrincə, ünsiyyət çərçivəsində uçuşların idarə edilməsi mərkəzinin mütəxəssisləri və BKS-nın heyət üzvləri harmonik və ahəngdar münasibətləri, müvafiq qarşılıqlı etimad və hörmət səviyyəsini saxlamağa, həmçinin BKS proqramının beynəlxalq xarakter daşımasını və onda müxtəlif mədəniyyət nümayəndələrinin iştirakını nəzərə almağa çalışırlar.

Hazırda BKS-dakı kosmonavtlarla Rusiyanın uçuşların idarə edilməsi mərkəzi ilə ünsiyyəti Rusiyanın ərazisi üzərindən uçuşu zamanı birbaşa həyata keçirilir. Stansiyanın digər ərazilər üzərində uçuşu zamanı rabitə Amerika kanallarının - onların sputnik-retranslyatorlarının vasitəsilə həyata keçirilir.