Slimfit
  1. KOSMOS

Kosmosdan enerjini simsiz ötürən sistem yaradılacaq

Kosmosdan enerjini simsiz ötürən sistem yaradılacaq
Sakura

Kosmosdan enerjini simsiz ötürən sistem yaradılacaq

ABŞ Hərbi Hava Qüvvələrinin tədqiqat bölməsi və “Northrop Grumman” şirkəti arasında kosmosdan simsiz enerji ötürmə sisteminin yaradılması üçün tədqiqatların aparılması və avadanlığın hazırlanması haqqında müqavilə imzalanıb. Laboratoriyanın saytında təsvir edilən layihə “SSPIDR” (Space Solar Power Incremental Demonstrations and Research) adlanır.

 “ICTnews” Elektron Xəbər Xidməti “NEWSru” resursuna istinadən yazır ki, layihənin məqsədi günəş enerjisini radiodalğalı şüalanmaya çevirərək onu yerüstü siqnal qəbuletmə stansiyalarına ötürəcək yüksək səmərəli günəş panellərinə malik kosmik aparatın yaradılmasından ibarətdir. Yerdə şüalanma elektrik enerjisinə çevriləcək. Müqavilənin dəyəri 100 milyon dollardan çoxdur.

 Sistemin tətbiqi barədə ətraflı məlumat verilmir. Lakin sistemdə mikrodalğalı şüalanmadan istifadə ediləcəyi ehtimal olunur. Ondan enerjinin məsafəli ötürülməsi üçün istifadə ideyası 1945-ci ildə Sovet alimi Semyon Tetelbaum tərəfindən təklif olunub. Sonrakı illərdə bu istiqamətdə tədqiqatlar ABŞ-da aparılmaqla 1964-cü ildə tədqiqatçı Uilyam Braun şüalanmanın elektrik enerjisinə çevrilməsi üçün rektennanı (simsiz antena) yaradıb və enerjinin vertolyot modelinə ötürülməsini nümayiş etdirib.

 Günəş enerjisinin kosmosdan ötürülməsi üçün mikrodalğalı şülanmanın tətbiqi ilə bağlı ideya ötən əsrin 70-ci illərindən müzakirə edilir, lakin onun praktiki tətbiqinə şübhə ilə yanaşılıb. Belə ki, ABŞ Kosmik Agentliyinin (NASA) 1978-ci ildə apardığı hesablamalara görə, enerjinin orbitdən 2,45 QHs tezliyində dayanıqlı ötürülməsi üçün antenalı peykin diametri 1 km, Yerdəki rektennanın uzunluğu isə 10 km təşkil etməlidir. Antena və rektennanın ölçülərini qısa dalğa uzunluqlarından istifadə zamanı azaltmaq mümkündür, lakin belə şüalanma atmosfer tərəfindən udulur.

Məqaləni bəyəndiniz? Sosial şəbəkələrdə izləyin!

Təhqiredici, mövzuya aid olmayan və böyük hərflərlə yazılan şərhlər təsdiqlənməyəcək.

Sakura

Ən çox baxılanlar

20 ildir aktiv olan Bromo vulkanı

Redaktor seçimi

SON XƏBƏRLƏR