Kral ailəsi aldadılıb: Şahzadəyə 50 milyonluq “atış”

İngiltərə kral taxt-tacının varisi olan Şahzadə Çarlz aldadılıb.

Cebhe.info xəbər verir ki, bütün ölkə ona satılan saxta tablodan danışır. Tablonun orijinalını tanınmaz şəkildə kopyalayan amerikalı Toni Tetro adlı rəssam şahzadəyə 50 milyon pound dəyərində  satılan Monet tablosunu özünün çəkdiyini bildirib. 

ABŞ-da həbs olunan saxta rəssamın açıqlamaları maraqla qarşılanıb. O, Picasso, Dali, Monet kimi dünyaca məşhur sənətkarların əsərlərinin tam oxşarını çəkməyi bacardığını iddia edib. Daha sonra bu tablolar orijinal adı ilə satılıb. 

Şahzadə Çarzlın aldığı Monet imzalı tablo da bunlardan biridir. Rəssamın açıqlamaları kral ailəsində narahatlıqla qarşılanıb. 

Şahzadə Çarlzın “Prens Charles'ın Prince's Foundation” adlı Fondunun mərkəzində sərgilənən Monet tablosunun saxta ola bilmə ehtimalı yüksəkdir.  
“Prince's Foundation” sözcüsü bu iddiaların olduğunu bildirərək buna təəssüfləndiklərini vurğulayıb.