Lerikdə Heydər Əliyevin 100 illiyi qeyd edildi

Lerik RİH-nin akt zalında  Lerik  Bələdiyyəsi, Lerik Rayon İcra Hakimiyyətinin, Ekologiya və Təbii Sərvətlər Nazirliyinin 1 saylı Regional İdarəsinin  təşkilatçılığı  ilə  ümummilli lider Heydər Əliyevin 100 illiyi  münasibətilə " Heydər Əliyev və Azərbaycan təbiəti" mövzusunda tədbir keçirilib.

Redaktor.az xəbər verir ki, tədbiri giriş sözü ilə Lerik Rayon İcra Hakimiyyətinin rəsmisi Vüqar Mirzəyev açdı. Lerik Bələdiyyəsinin sədri "Heydər Əliyev və Azərbaycan təbiəti", Heydər Əliyev Mərkəzinin elmi işçisi Bahar Mürsəliyeva " Ətraf mühitin mühafizəsində gənclərin rolu" mövzularında  çıxış ediblər.

Ekologiya və  Təbii Sərvətlər Nazirliyinin 1 saylı Regional İdarəsinin əməkdaşı, Respublika Yazıçılar və Jurnalistlər Birliyinin üzvi, Prezident Mükafatçısı Bəxtiyar Hüseynov ümummilli lider Heydər Əliyevin Azərbaycana rəhbərliyi dövründə  Respublikanın ekoloji problemləri və təbiətin mühafizəsi ilə bağlı gördüyü əvəzsiz işlərdən geniş məlumat verib.

Tunar Altunbay