London Kiyevə 617 milyon dollarlıq hərbi yardım paketi verməyi planlaşdırır

Böyük Britaniyanın baş naziri Rishi Sunak çərşənbə axşamı Polşaya gözlənilən səfəri zamanı Kiyevə 500 milyon funt sterlinq (617 milyon dollar) dəyərində yeni hərbi yardım paketini açıqlayacaq.

Ens.az Bizimyol.info-a istinadən xəbər verir ki,baş nazirlikdən verilən məlumata görə, bura həm düşmən mövqelərini vurmaq, həm də hava hücumundan müdafiə sistemləri üçün nəzərdə tutulan 1,6 mindən çox raket daxil olacaq.

Qeyd olunur ki, digərləri ilə yanaşı, uçuş məsafəsi 250 km-i keçə bilən əlavə “Storm Shadow” qanadlı raketləri də Kiyevə ötürüləcək. Yardım paketinə 60 kiçik gəmi, o cümlədən 2 desant kateri, 160 "Husky" piyada döyüş maşını, 162 zirehli maşın və 78 relyef texnikası, həmçinin 4 milyondan çox patron daxildir.

Sunakın fikrincə, təsdiq edilən yeni yardım paketi Ukraynaya Rusiyaya qəti cavab verməyə imkan verəcək gücdədir.

Britaniya hökumətinin başçısı, həmçinin Ukrayna ilə münaqişədə qalib gəlməyə icazə verilərsə, Rusiya Federasiyasının “Polşa ilə sərhəddə dayanmayacağı” tezisini təkrarladı.

Yanvarın 12-də Sunak 2024-cü ildə Ukraynaya yardımın 2,5 milyard funt-sterlinqə (indiki məzənnə ilə 3,1 milyard dollar) qədər artacağını açıqlayıb. İndi bu məbləğ 3 milyard funt sterlinq (3,7 milyard dollar) olacaq.

2022-2023-cü illərdə Böyük Britaniya Ukraynaya hər il 2,3 milyard funt sterlinq (indiki məzənnə ilə 2,9 milyard dollar) məbləğində hərbi yardım edib.

Rusiyanın xüsusi hərbi əməliyyatı başlayandan sonra London, digərləri ilə yanaşı, Kiyevə uzaqmənzilli “Storm Shadow” raketlərini, “Challenger 2” tanklarını, "AS90" özüyeriyən haubitsalarını və "M270" reaktiv yaylım atəş sistemləri verib.