"Mavi Balina" oyunundan sonra yeni təhlükə - Valideynlərə xəbərdarlıq

"Mavi Balina" oyunundan sonra yeni təhlükə - Valideynlərə xəbərdarlıq

Çoxsaylı intiharlara səbəb olan "Mavi Balina"oyunundan sonra uşaqlar üçün daha təhlükəli "Momo" oyunu yayılmaqdadır.

Redaktor.az-ın məlumatına görə, "Watsapp" üzərindən yayılan "Momo" oyunu uşaqlar və gənclərin həyatlarını təhlükəyə atır. Oyunun qəhrəmanı "Momo" ilə danışmaq istəyən istifadəçi öncə "whatsapp"da qeydiyyatdan keçir. "Momo" isə danışdığı istifadəçidən müəyyən tapşırıqları yerinə yetirməyi tələb edir.

Dünyanın bir neçə ölkəsində bu oyun vasitəsilə özünə xəsarət yetirən uşaqlar və gənclərin sayında artım var. Bu təhlükəli oyunla bağlı mütəxəssislər valideynlərə xəbərdarlıq edib və virtual oyunlarda diqqətli olmağa çağırıblar. Onu da qeyd edək ki, insanda qorxu yaradan "Momo"nun üzü “quş qadın heykəli”nə aiddir.