Slimfit
  1. MEDİA

MEK tərəfindən Xaçmaz Tarix-Diyarşünaslıq Muzeyinə yeni nəşrlər təqdim olunub

MEK tərəfindən Xaçmaz Tarix-Diyarşünaslıq Muzeyinə  yeni nəşrlər təqdim olunub
Sakura

MEK tərəfindən Xaçmaz Tarix-Diyarşünaslıq Muzeyinə yeni nəşrlər təqdim olunub

Azərbaycan Milli Elmlər Akademiyasının (AMEA) Mərkəzi Elmi Kitabxanası tərəfindən Xaçmaz Tarix-Diyarşünaslıq Muzeyinə yeni nəşr olunan "İmadəddin Nəsimi", "Molla Nəsrəddin", "Məhəmməd Füzuli" kitablarının bütün cildləri, həmçinin professor Ziyadxan Əliyevin "Nəsimi dünyası rənglərin işığında" kitabı hədiyyə olunub. Kitablar noyabrın 20-də Xaçmaz Tarix-Diyarşünaslıq Muzeyində dahi Azərbaycan şairi İmadəddin Nəsiminin 650 illik yubileyinə həsr olunmuş tədbir çərçivəsində təqdim edilib.

"Nəsimi işığında" adlı tədbirdə muzeyin direktoru Pakizə Mehdiyeva, Mərkəzi Elmi Kitabxananın şöbə müdiri Aygün Səfərova və əməkdaşı Mədinə Hüseynli, Xaçmaz Regional Mədəniyyət İdarəsinin nümayəndəsi Fərid Musayev, Əməkdar jurnalist Azər Həsrət və başqaları çıxış edərək, Azərbaycan ədəbiyyatı və fəlsəfi fikir tarixində İmadəddin Nəsiminin mühüm yer tutduğunu diqqətə çatdırıblar. Bildirilib ki, Azərbaycan ədəbiyyatına qiymətli incilər bəxş etmiş, ümumilikdə dünya poeziyasının möhtəşəm nümunələrini yaratmış İmadəddin Nəsiminin yaradıcılığının dünyaya tanıdılmasında ümummilli lider Heydər Əliyevin böyük xidmətləri olub.

Tədbirdə Prezident İlham Əliyevin “Böyük Azərbaycan şairi İmadəddin Nəsiminin 650 illik yubileyinin qeyd edilməsi haqqında” və “Azərbaycan Respublikasında 2019-cu ilin “Nəsimi ili” elan edilməsi haqqında” sərəncamları iştirakçıların diqqətinə çatdırılıb, Nəsiminin həyatı, milli ədəbiyyatımızda onun yaradıcılığının, fəlsəfi baxışlarının yeri və rolu barədə geniş məlumatlar verilib.

Məqaləni bəyəndiniz? Sosial şəbəkələrdə izləyin!

Təhqiredici, mövzuya aid olmayan və böyük hərflərlə yazılan şərhlər təsdiqlənməyəcək.

Sakura

Ən çox baxılanlar

Yaşıl çay qara çaydan 50% daha çox C vitamininə malikdir

Redaktor seçimi

SON XƏBƏRLƏR