Məlikballı Qurban - Ərərdir

Bir gözəl sevmişəm günəş camallı,
Gərdəni minadrr, qəddi ərərdir. 
Gözləri cəlladdır, kirpik xunfəşan, 
Cümlə gözəllərə o bir sərvərdir.

Qolları şimşaddır, əlindən nazik, 
Xəndanı şəkərdir, telindən nazik, 
Zülfü yasəməndir, telindən nazik, 
Xətti bir bənövşə müşkü ənbərdir.

Vaizin kəlamı göstərir camı, 
Mütrübün məqamı ləzizdir hamı, 
Titrəyir tamamən mərmər əndamı, 
Məlikballı Qurban, bu nə gövhərdir?..