Məlikballı Qurban - Qılmandan

Ey ağalar, sizə bir ərz eyləyim, 
Rovzeyi-rizvandan, huri-qılmandan. 
Türrəyi-tərrari şahmara bənzər,
Bu tövr insandan, belə canandan.

Sinəsi mərmərdən, qəddi ərərdən,
Bir müşkü ənbərdən, mahi-ənvərdən, 
Qəndi mükərrərdən, dili şəkərdən, 
Zülfü pərişandan, qaşı kamandan.

Məhbubül məhbubdan, xosrüvi-xuban, 
Zalımi-cansitan, telləri reyhan, 
Məlikballı Qurban, yoxdur belə can, 
Bir yan İsfahandan, ya Xorasandan.