Məlikballı Qurban - Yurdum

Çəmənli, çiçəkli soyuq bulaqlı, 
Dərəli, təpəli, obalı yurdum. 
Qoyunlu, quzulu, güllü yaylaqlı, 
Cahanda birinci səfalı yurdum. 

Arandan köçəndə bura düşərlər, 
Pendiri, süd, yağı sağın edərlər. 
Qız-gəlinlər həm oynayıb gülərlər, 
Həmişə əlləri xınalı yurdum. 

Arandan köçənin buradır yolu, 
Ağalar nökərdən haqq-hesab alı, 
Onların duası müstəcəb olu, 
Hayıf ki, düşmüşəm aralı yurdum.