Ens.az
23 oktyabr 2019, çərşənbə
.
.
chevron_left chevron_right
MİLLİ QƏHRƏMANLAR

Kazım Məmmədov Ərşad oğlu

DOĞUM TARİXİ: 01/10/1969 VƏFAT TARİXİ: 15/11/1991

684 Baxış
Kazım Məmmədov Ərşad oğlu

1969-cu il oktyabrın 1-də Cəbrayıl rayonunun Böyük Mərcanlı kəndində dünyaya göz açmışdır. 1976-cı ildə buradakı 1 saylı orta məktəbə daxil olmuş, 1986-cı ildə oranı bitirmişdir. Həmin il sənədlərini Gəncə İnşaat Texnikumuna vermiş və tələbə adını qazanmışdır.

1988-ci ildə ordu sıralarına çağırılmışdır. Hərbi xidmətini Çelyabinsk şəhərində çəkmişdir. 1990-cı ildə ordudan tərxis olunduqdan sonra təhsilini davam etdirmək üçün Gəncəyə gəlir. O vaxt Azərbaycanın başı üstünü qara buludlar almışdı. Erməni yaraqlılan tez-tez bölgələrimizə hücumlar edirdilər. Kazım Məmmədov buna dözməyərək, texnikumun qiyabi şöbəsinə keçir. 1991-ci ilin fevralında Cəbrayıl rayon Daxili İşlər Şöbəsində post-patrul xidmətində işə başlayır və tezliklə də cəbhəyə yollanır. O, ilk gündən öz vəzifə borcunu məsuliyyətlə yerinə yetirir.

15 noyabr 1991-ci il... Ermənilər böyük qüvvə ilə Xocavənd rayonunun Zamzur kəndinə hücum etmişdi. Qüvvələr qeyri-bərabər idi. Sayca üstün olan düşmən hər vəchlə sədləri qırmağa çalışırdı. Kazım boş evlərdən birində özünə münasib mövqe seçib, düşmənin ondan artıq canlı qüvvəsini məhv edir; ölümün gözünə dik baxaraq erməni qəsbkarlarına təslim olmur. Ermənilər daha da azğınlaşaraq binaya od vururlar. Kiçik çavuş K.Məmmədov burada qəhrəmancasına həlak olur.

Subay idi.

Azərbaycan Respublikası prezidentinin 8 oktyabr 1992-ci il tarixli 264 saylı fərmanı ilə Məmmədov Kazım Ərşad oğluna ölümündən sonra “Azərbaycanın Milli Qəhrəmanı” fəxri adı verilmişdir.

Böyük Mərcanlı kəndində dəfn edilmişdir. Oxuduğu məktəbə adı verilmişdir. Məktəbin önündə büstü qoyulmuşdur. Adına 3 mükafat təsis edilmişdir.

 

Mənbə: Milliqahramanlar.az





Diqqət! Ens.az saytına məxsus materiallardan istifadə edərkən hiperlinklə istinad edilməlidir. Mətndə səhv tapdıqda, onu seçib ctrl + enter düyməsini basaraq bizə göndərməyinizi xahiş edirik.


Android ƏS olan smartfonunuz varsa, xəbərləri daha rahat oxumaq üçün bu linkə keçərək Play Store mağazasından Ens.az proqramını endirib quraşdıra bilərsiniz.


VİDEO QALEREYA
Nyu-Yorkda Yeni ilin qeyd olunması - 1937-ci il
Emosiya ilə reaksiya ver!
  • 0
  • 0
  • 0
  • 0
  • 0
  • 0 Şərh
  • anonymous user
    Şərhi göndər
  • DAHA ÇOX NƏTİCƏ YÜKLƏ

X