Mərkəzi Elmi Kitabxana və Kolumbiyanın Azərbaycandakı səfirliyi arasında əməkdaşlıq uğurla davam etdirilir

AMEA Mərkəzi Elmi Kitabxanası (MEK) beynəlxalq əlaqələrin qurulmasına, qarşılıqlı mübadilələrin həyata keçirilməsinə böyük önəm verir. Dünyanın inkişaf etmiş dövlətlərinin elm və təhsil mərkəzləri, kitabxanaları ilə əməkdaşlıq əlaqələrinin qurulması istiqamətində MEK tərəfindən mühüm addımlar atılır. Habelə qarşılıqlı münasibətlərin daha yüksək səviyyədə inkişaf etməsi üçün bir sıra ölkələrin Azərbaycanda fəaliyyət göstərən diplomatik nümayəndəlikləri ilə də əməkdaşlıq davam etdirilir.  Görülən işlərin davamı olaraq, MEK-in sıx əməkdaşlıq etdiyi Kolumbiyanın Azərbaycandakı səfirliyi  “Kolumbiyanın həftəlik informasiya bülleteni”nin (Colombian weekly Newsletter) elektron formatını MEK-ə təqdim edib.

 
Qeyd edək ki, informasiya bülleteni iqtisadi aktivlik, ətraf mühit, beynəlxalq əlaqələr, sülh, qadınlara ədalət, mədəniyyət, təhsil və s. mühüm mövzuları əhatə edir. Sözügedən bülleten 2021-ci ilin 30 iyun-2 iyul və 02-06 iyul tarixlərini əhatə edir.

AMEA Mərkəzi Elmi Kitabxanasının

İctimaiyyətlə əlaqələr və informasiya şöbəsi