1. MEDİA

Mərkəzi Elmi Kitabxanada Ümummilli Lider Heydər Əliyevin anım günü ilə əlaqədar tədbir keçirilib

Mərkəzi Elmi Kitabxanada Ümummilli Lider Heydər Əliyevin anım günü ilə əlaqədar tədbir keçirilib

Mərkəzi Elmi Kitabxanada Ümummilli Lider Heydər Əliyevin anım günü ilə əlaqədar tədbir keçirilib

Azərbaycan Milli Elmlər Akademiyası (AMEA) Mərkəzi Elmi Kitabxanasında (MEK) müstəqil Azərbaycan dövlətinin banisi, ümummilli lider Heydər Əliyevin anım günü ilə əlaqədar olaraq “Heydər Əliyev - əbədiyaşar lider” mövzusunda tədbir keçirilib. İştirakçılar əvvəlcə binanın foyesində ümummilli lider Heydər Əliyevin büstünü ziyarət edərək önünə gül dəstələri düzüblər, sonra tədbir kitabxananın konfrans zalında davam edib.

Dahi rəhbər Heydər Əliyevin əziz xatirəsi bir dəqiqəlik sükutla yad edildikdən sonra çıxış edən, Mərkəzi Elmi Kitabxananın direktoru, professor Məmməd Əliyev Ümummilli lider Heydər Əliyevin Azərbaycan dövləti və xalqı qarşısındakı müstəsna xidmətlərindən, Azərbaycanın dövlət müstəqilliyinin, suverenliyinin qorunub saxlanılmasından, respublikamızda bütün sahələrin inkişaf etdirilməsində misilsiz fəaliyyətindən bəhs edib. Direktor, Azərbaycan Prezidenti İlham Əliyevin xalqa müraciətində Şuşanın işğaldan azad edilməsinin tarixi əhəmiyyəti ilə bağlı fikirlərindən sitat gətirib: "Mən bu gün ulu öndər Heydər Əliyevin məzarını ziyarət etdim, onun ruhu qarşısında baş əydim. Ürəyimdə dedim, xoşbəxt adamam ki, ata vəsiyyətini yerinə yetirdim. Şuşanı azad etdik! Bu, böyük Qələbədir! Bu gün şəhidlərimizin, Ulu Öndərin ruhu şaddır!”. Bəli bu gün Ulu Öndərin, şəhidlərimizin ruhu şaddır ki, Prezident cənab İlham Əliyevin rəhbərliyi altında həyata keçirilən işlərin miqyası, daxili və xarici siyasətdə qazanılan uğurlar sayəsində xalqımız 27 ildən artıq həsrətində olduğu qələbə sevincini yaşadı”.

Anım tədbirində MEK-in Heydər Əliyev və Azərbaycan dövlətçiliyi şöbəsinin müdiri Günel Bağırova-Hüseynovanın “Heydər Əliyev və Azərbaycanda kitabxana işinin təşəkkülü” adlı məruzəsi dinlənilib. Məruzəçi, Ümummilli liderin elmin, mədəniyyətin, iqtisadiyyatın, təhsilin inkişafı ilə bağlı əvəzsiz ideyalarından, Azərbaycan mədəniyyətinin ayrılmaz tərkib hissəsi olan kitabxana quruculuğu sahəsindəki misilsiz xidmətlərindən, kitabxanalara göstərdiyi diqqət və qayğıdan bəhs edib.

YAP-ın MEK-dəki üzvü Şölə Hüseynova isə Heydər Əliyev haqqında təəssüratlarını tədbir iştirakçıları ilə bölüşüb.

Daha sonra dünya şöhrətli siyasətçi Heydər Əliyevin həyat və faliyyətindən bəhs edən videoslayd nümayiş olunub.

Sonda tədbir iştirakçıları təşkil olunmuş sərgiyə baxış keçiriblər. Sərgidə MEK-in fondlarında qorunan ulu öndər Heydər Əliyevin həyatının müxtəlif dövrlərini əks etdirən fotolar, kitablar, sənədlər nümayiş olunub. Sərgi iştirakçıların xüsusi marağına səbəb olub.

Məqaləni bəyəndiniz? Sosial şəbəkələrdə izləyin!

Təhqiredici, mövzuya aid olmayan və böyük hərflərlə yazılan şərhlər təsdiqlənməyəcək.

Ən çox baxılanlar

Gəncə 19-cu əsrdə. Nizami küçəsi 4-cü döngədəki evlərdən biri.

Redaktor seçimi

SON XƏBƏRLƏR