Messi etiraf etdi: "Yalnız Zinəddin Zidan"

Messi etiraf etdi: "Yalnız Zinəddin Zidan"

Adətən onunla forma dəyişməyə can atsalar da, özü yalnız bir dəfə fransalı ulduz Zinəddin Zidana köynəkləri dəyişməyi təklif edib

 "Barselona"nın argentinalı ulduzu Lionel Messi "Kamp-Nou"nun kralı olsa da, meydanda forma dəyişmək üçün "Real Madrid"in ulduzunu axtarıb.

Sputnik Azərbaycan "Dailystar" nəşrinə istinadən xəbər verir ki, bu haqda ulduz futbolçu özü etiraf edib. O bildirib ki, adətən onunla forma dəyişməyə can atsalar da, özü yalnız bir dəfə fransalı ulduz Zinəddin Zidana köynəkləri dəyişməyi təklif edib.

Zinəddin Zidanın karyerasının son illərində Messi Kataloniya klubunda yenicə parlamağa başlayıb.

Qeyd edək ki, bu mövsüm Lionel Messi klub səviyyəsində 11 oyunda 8 qol və 5 məhsuldar ötürmə müəllifi olub. Onun 2004-cü ildən çıxış etdiyi "Barselona" ilə müqaviləsi 2021-ci ilədək nəzərdə tutulub.