Messi haqqında sensasion transfer xəbəri yayıldı

Messi haqqında sensasion transfer xəbəri yayıldı

"Barselona" klubunun kapitanı Lionel Messi haqda sensasiyalı transfer xəbəri yayılıb.

Offsideplus.az məşhur "The Sun" nəşrinə istinadən xəbər verir ki, 33 yaşlı argentinalı hücumçu PSJ-yə keçə bilər.

Mənbənin yazdığına görə, Messi 4 il "Barselona"da komanda yoldaşı olduğu Neymarla yenidən birlikdə top qovmaq arzusundadır.

Fransa mətbuatında da bu tip xəbərlər dərc edilir.

Kataloniya klubunun Çempionlar Liqasının 1/4 final mərhələsində "Bavariya"ya 2:8 hesabı ilə acınacaqlı şəkildə məğlubiyyətinin ardından "Barselona"da radikal qərarlar qəbul edilib.

Baş məşqçi Kiki Setyen və komandanın idman direktoru Erik Abidalla yollar ayrılıb və klubun "sükanı" Ronald Kumana tapşırılıb.

Messi də məhz niderlandlı mütəxəssislə görüşündə "Barselona"dan ayrılmaq istədiyini bəyan edib.