Mexxenger – ağıllı kuryer çantası
PAIX Design startap şirkəti Mexxenger adlı “ağıllı” çanta hazırlayıb. Ona müxtəlif beyclər qoşula bilər (Led-displey və ya foto-video kamera), həmçinin onunla smartfonu doldurmaq olar.
Onların sözlərinə görə çiyindən asılan Mexxenger çantası özündə maraqlı dizayn və yüksək funksionallığı birləşdirir. Hələlik çanta üçün 3 beyc var (gələcəkdə başqaları da hazırlanacaq). Birinci – istifadəçinin əhvalına görə müxtəlif rəngləri əks etdirən fənər (Mood Torch) (idarəetmə PAIX app adlı mobil proqramla həyata keçirilir. İkinci beyc – kameradır (Life Camera), o həm foto, həm də video çəkir. Üçüncü – ağıllı “displeydir”, o çantaya maqnitlə bərkidilir və çanta smartfondan 3m aralı olanda xəbərdarlıq edir və ya emodzilər göstərir.
Bundan başqa çantada smartfonun simsiz doldurulması üçün xüsusi cib var.
Layihə artıq 85 min dollar investisiya toplayıb (lazım olan vəsait 30 min dollar dəyərində idi). Bu çanta barədə ətraflı məlumat üçün startapın rəsmi Kickstarter səhifəsinə baxa bilərsiniz.
Müəllif: Famil Ələkbərov
Şərhlər
Şərhləri göstər Şərhləri gizlət