24 fevral 2020, bazar ertəsi
.
.
chevron_left chevron_right
DÜNYA

Microsoft və Walmart, Amazona qarşı güclərini birləşdirdilər

Amazonun bazarda birinciliyi ələ alması bir sıra rəqibləri narahat etməyə başlayıb

Microsoft və Walmart, Amazona qarşı güclərini birləşdirdilər

Amazonun bazarda birinciliyi ələ alması bir sıra rəqibləri narahat etməyə başlayıb. Bu şirkətlər arasında MicrosoftWalmart şirkətləri xüsusilə diqqəti cəlb etməkdədir. Çünki məhz bu iki şirkət Amazona qarşı güclərini birləşdirib. Bu haqda məlumatı tanınmış xəbər agentliyi The Verge yayımlayıb. Verilən məlumatda şirkətlərin beş illik müqavilə imzalaması haqda məlumat öz əksini tapıb.

Razılaşmaya əsasən, Walmart öz layihələrində yer alan süni intellektlə bağlı bütün məsələlərdə Microsoft-un xidmətlərindən istifadə edəcək. Şirkətlərin belə birləşməsinə səbəb kimi Amazon və Walmart-ın eyni sferada fəaliyyət göstərməsi, başqa sözlə rəqib olması və eyni zamanda Amazon rəhbəri Ceff Bezosun bulud texnologiyasında Microsoftla rəqabətə girməsi ilə əlaqədardır. Bu haqda məlumatı öz çıxışında Microsoftun CEO-su Satya Nadella bildirib.

Lakin verilən məlumatlara görə, əməkdaşlıq yalnız bununla bitmir. Microsoft şirkəti rəqibinin Amazon Go layihəsinə oxşar layihə üzərində işlər aparır və lazım olacaq avadanlıqları da Walmartdan almaq niyyətindədir. Əməkdaşlığın sonda nə kimi faydalar gətirəcəyini isə zaman göstərəcək.

Nəzərinizə çatdıraq ki, bir müddət əvvəl Bloomberg Amazonun yaradıcısı Ceff Bezosun dünyanın ən varlı adamı olduğunu açıqladı. Onun sərvəti 150 milyard dollar olaraq qiymətləndirildi və bu tarixdə ilk belə biznes göstəricisi idi. Siyahıda onu Microsoftun başçısı Bill Qeyts izləyir. Walmart-ın üç nümayəndəsi də öz növbəsində ikinci onluqda yer alır. Həmçinin Amazon şirkəti kapital qoyuluşuna görə yalnız Apple şirkətindən geri qalır. Bu baxımdan Microsoft 4-cü, Walmart isə 19-cu yerdədir.

Nəcibə Yusifova

 

Mənbə: Banco.az





Diqqət! Ens.az saytına məxsus materiallardan istifadə edərkən hiperlinklə istinad edilməlidir. Mətndə səhv tapdıqda, onu seçib ctrl + enter düyməsini basaraq bizə göndərməyinizi xahiş edirik.


Android ƏS olan smartfonunuz varsa, xəbərləri daha rahat oxumaq üçün bu linkə keçərək Play Store mağazasından Ens.az proqramını endirib quraşdıra bilərsiniz.


VİDEO QALEREYA
Səsli xəbərlər
1003 Xocalı sakinini esirlikden xilas eden, Azerbaycanın Milli Qehremanı Allahverdi Bağırov.
Emosiya ilə reaksiya ver!
  • 0
  • 0
  • 0
  • 0
  • 0
  • 0 Şərh
  • anonymous user
    Şərhi göndər
  • DAHA ÇOX NƏTİCƏ YÜKLƏ

FAM Group Media X