Milyon dollarlıq mini kompüter
İşveçrə şirkəti Prime Computer üçün bir milyon dollar istəyir. Şirkət məhdud sayda PrimeMini 3 adlı mini kompüter buraxıb.
Yenilik Intel Core i5-6260U prosessor, inteqrasiya olunmuş Intel Iris Graphics 540 qrafika, 8Qb DDR4 əməli yaddaş və 250Qb SSD disklə təchiz olunub. Bu xarakteristikalar belə kiçik mini faktorda rahat istifadə üçün yaxşıdır.
Şirkət milyon dolları bunun üçün istəmir. Prime Computer kompüterlərində patentləşdirilmiş ventilyasiyasız soyutma sistemi istifadə olunur və korpus 18 karat qızıldan hazırlanıb.
İstehsalçıların bəyan etdiyi ki, bir kompüterin istehsalı üçün onlar 500 min dollar sərf edir. Buraxılacaq kompüterlərin sayı cəmi 10 ədəd olacaq. Lakin baş direktor qeyd edib ki, əgər belə lüks kompüterlərə tələb olarsa şirkət daha sonra əlavə partiya buraxa bilər.
Müəllif: Famil Ələkbərov
Şərhlər
Şərhləri göstər Şərhləri gizlət