Ens.az
19 noyabr 2019, çərşənbə axşamı
.
.
chevron_left chevron_right
MƏDƏNİYYƏT

Mir Cəlal Paşayevin “Bir gəncin manifesti” romanı gürcü dilində nəşr olunub

Mir Cəlal Paşayevin “Bir gəncin manifesti” romanı gürcü dilində nəşr olunub

168 Baxış
Mir Cəlal Paşayevin “Bir gəncin manifesti” romanı gürcü dilində nəşr olunub

Azərbaycanın görkəmli yazıçısı, alim və pedaqoqu Mir Cəlal Paşayevin “Bir gəncin manifesti” əsəri gürcü dilində nəşr olunub.

Report”un Gürcüstan bürosu xəbər verir ki, Tbilisidəki Mirzə Fətəli Axundov adına Azərbaycan Mədəniyyəti Muzeyində kitabın təqdimat mərasimi keçirilib.

Kitab “Azərbaycan aləmi” Mədəniyyət Mərkəzi İctimai Birliyinin dəstəyi ilə işıq üzü görüb. Əsəri gürcü dilinə tərcümə edəni İmir Məmmədli, redaktoru isə Mirzə Məmmədoğludur.

M.F.Axundov adına Azərbaycan Mədəniyyəti Muzeyinin direktoru Leyla Əliyeva xatırladıb ki, aprelin 26-da Mir Cəlal Paşayevin anadan olmasından 111 il ötür: “Kitab görkəmli yazıçının doğum günü ərəfəsində gürcü oxucularına təqdim olunur. İnanıram ki, “Bir gəncin manifesti” əsərini gürcü oxucuları böyük maraqla qarşılayacaqlar. Kitab həmçinin Gürcüstan oxucularının Mir Cəlal Paşayevin yaradıcılığı ilə yaxından tanış olmasına imkan yaradacaq”.

Digər çıxış edənlər “Bir gəncin manifesti” əsərinin gürcü dilinə tərcümə olunmasını yüksək qiymətləndirərək, yeni kitabın Azərbaycan və Gürcüstan arasında ədəbi əlaqələrin inkişafına töhfə verəcəyini bildiriblər.

Təqdimat mərasimində Azərbaycanın Gürcüstandakı səfiri Dursun Həsənov, Gürcüstan parlamentinin deputatı Mahir Dərziyev, azərbaycanlı və gürcü ziyalılar, gənclər iştirak ediblər. 

 





Diqqət! Ens.az saytına məxsus materiallardan istifadə edərkən hiperlinklə istinad edilməlidir. Mətndə səhv tapdıqda, onu seçib ctrl + enter düyməsini basaraq bizə göndərməyinizi xahiş edirik.


Android ƏS olan smartfonunuz varsa, xəbərləri daha rahat oxumaq üçün bu linkə keçərək Play Store mağazasından Ens.az proqramını endirib quraşdıra bilərsiniz.


VİDEO QALEREYA
1959-cu ildə çəkilmiş Ayın əks tərəfinin ilk görüntüsü. Şəkil "Luna-3" sovet kosmik aparatı ilə çəkilmişdir.
Emosiya ilə reaksiya ver!
  • 0
  • 0
  • 0
  • 0
  • 0
  • 0 Şərh
  • anonymous user
    Şərhi göndər
  • DAHA ÇOX NƏTİCƏ YÜKLƏ

X