Mirkazim Nikbin - Hardasa.....

Mirkazim Nikbin - Hardasa.....

Hardasa bir sevgi, bir eşq yaşayır,
Həzin həzin əsən küləklər kimi.
Hardasa bir qıza bir oğlan baxır,
Göydən yerə enmiş mələklər kimi.

Hardasa inam var, dosta, yoldaşa,
Hardasa ömürlər yanmayır boşa,
Hardasa insanlar dönməyir daşa,
Yaşayır ən çılğın ürəklər kimi.

Hardasa bülbüllər gülə uçuşub,
Hardasa cəmiyyət dərdən sovuşub,
Hardasa aşiqlər yara qovuşub,
Gülüstan içində çiçəklər kimi.

Hardasa ədalət hakimdi hər an,
Hardasa xəyanət bilməyir zaman,
Hardasa sadəqət hissiylə insan,
Perişan deyildir ürkəklər kimi.

Hardasa xəyallar gerçəyə dönür,
Hardasa gündüzlər gecəsiz ötür,
Nikbin o diyardan bir ümid götür,
Qırılma heç zaman kövrəklər kimi.