Slimfit
  1. ƏDƏBİYYAT

Mirkazim Nikbin - Həqiqət axtarıram

Mirkazim Nikbin - Həqiqət axtarıram
Sakura

Mirkazim Nikbin - Həqiqət axtarıram

Yaşın nə fərqi var ki, düz deyən düz olmalı,
Səhv deyən səhv olmalı.
Bu dünyada inan ki, düzün səhvin fərqi yox,
Gücsüzlər məhv olmalı.

Güclülər zəifləri qəbul etmir düz kimi,
Özü əyri olsada.
Çaşa tək çüt görünür deyir mən düz görürəm,
Gözü əyri olsada.

Həyat necə ağırdır, özünü başa düşüb,
Söz deyən insanlara.
Nahaqqlarla döyüşən, azadlığı axtaran,
Düz deyən insanlara.

Bax əllərim ayağım qandallanıb ay aman!,
Mən yeriyə bilmirəm.
Azadlığı istəyən dilim dağlanan zaman,
Axı niyə ölmürəm.

Mənim xeyrimi şərə siz yozmaq əvəzinə,
Şərimi şərə yozun.
Mən səhv etsəm dinmərəm, danışmaram ay qardaş,
Onu min yerə yozun.

Məni tanıyan insan bunu yaxşı bilir ki,
Həqiqət axtarıram.
Dünyadan uzaq düşən, insanların qovduğu,
Ədalət axtarıram.

Mən yazıram könlümün keçirdiyi hissləri,
Misralara söz kimi.
Bu yazdığım əşarlar qalacaq gələcəyə,
Mirkazimdən iz kimi.

Məqaləni bəyəndiniz? Sosial şəbəkələrdə izləyin!

Təhqiredici, mövzuya aid olmayan və böyük hərflərlə yazılan şərhlər təsdiqlənməyəcək.

Sakura

Ən çox baxılanlar

Florida, ABŞ

Redaktor seçimi

SON XƏBƏRLƏR