Mirkazim Nikbin - İstərəm...

Mirkazim Nikbin - İstərəm...

Günəşlə bərabər, ayla bərabər,
Səni asimanda görmək istərəm.
Gözəl qız sən mənə razılıq versən,
Ölüncə mən səni sevmək istərəm.

Yox deyib incitmə, pozma halımı,
Mən səni sevirəm bil amalımı,
Qoyma gözlərimdə gəl vüsalımı,
Səninlə mən qoşa gəzmək istərəm.

Gündüzdə, gecədə səni səslərəm,
Könlümdə gizli bir sevgi bəslərəm,
Hər zaman hər yerdə səni izlərəm,
Bil sənin qəlbinə gizmək istərəm.

Mən sənə aşiqəm, sən ol mən yar,
Qarşılıq olmasa hər şey məhv olar,
Mənim böyük dünyam, arzularım var,
Onları səninlə bölmək istərəm.

Mirkazim gözəllər başdan edəndi,
Qonaq tək beş günlük gəlib gedəndi,
İztirab çəkdirib, kədər verəndi,
Həsrətli sevgiylə ölmək istərəm.