Slimfit
  1. ƏDƏBİYYAT

Mirkazim Nikbin - Yavaş-yavaş

Mirkazim Nikbin - Yavaş-yavaş
Sakura

Mirkazim Nikbin - Yavaş-yavaş

Fikrimdə canlanır xəyalın yenə,
Dolur gözlərimə nəm yavaş-yavaş.
Sənə qovuşmağa gülüm az qalır,
Çəkilir qəlbimdən qəm yavaş-yavaş.

Səndən ayrılandan fikrim dərbədər,
Xəyalım göylərdə, ağlım sərasər,
Toplayıb özümü zorla birtəhər,
Edirəm ağlımı cəm yavaş-yavaş.

Yaman acı imiş həsrətin dadı,
Az qaldı qırıla qəlbin inadı,
Dilimə gələndən vüsalın adı,
Olur eşqin tamı kəm yavaş-yavaş.

Ayrılıq kəsmişdi bil nəfəsimi,
Almışdı ucadan çıxan səsimi,
Eşqlə bəzədikcə can qəfəsimi,
İtir səsimdəki bəm yavaş-yavaş.

Ürəkdə olanı qələmim yazır,
Həsrət dəryasına vüsalın sızır,
Buz tutmuş hisslərim təzəcə qızır,
Alır məhəbbətdən dəm yavaş-yavaş.

Məqaləni bəyəndiniz? Sosial şəbəkələrdə izləyin!

Təhqiredici, mövzuya aid olmayan və böyük hərflərlə yazılan şərhlər təsdiqlənməyəcək.

Sakura

Ən çox baxılanlar

"Zamanın qapısı"

Redaktor seçimi

SON XƏBƏRLƏR