Mirzə İsmayıl Qasir - Dil meylini bir türreyi-şəbgirə salıbdır
Dil meylini bir türreyi-şəbgirə salıbdır,
Divanəyə bax, kim özünü girə salıbdır.
Nahəq yerə saldı özünü dami-bəlaya
Bu qana bulaşmış məni təqsirə salıbdır.
Könlüm yüzünün Kəbəsinin tövfinə getcək,
Şam əhli tutubdur onu, zəncirə salıbdır.
Əfsunkəri-çeşmin Hələbi-arizin içrə,
Çəkmiş həbəşi qulları təsxirə salıbdır.
Dün guşimə bir nalə səsi yetdi çəməndən,
Bu nalə mənim könlümü təsirə salıbdır.
Dil verdi sənin zülfi-pərişanına dilbər,
Xali-siyəhin Qasiri təzvirə salıbdır.
Məqaləni bəyəndiniz? Sosial şəbəkələrdə izləyin!
Şərhlər
Şərhləri göstər Şərhləri gizlət