Mirzə Rəhim Fəna - Bir kəs ki, qəm ducan ola, ağlar, ağlamaz
Bir kəs ki, qəm ducar ola, ağlar, ağlamaz?
Ənduhu qussə yan ola, ağlar, ağlamaz?
Şaxi-murada murği-dili qonmamış hənuz,
Səyyadi-qəm şikarı ola, ağlar, ağlamaz?
Zülfün əsiri oldu könül sərneviştdən,
Kim tirəbəxti-tarı ola, ağlar, ağlamaz?
Vəsli-nigarə adəl edib şadkam olan,
Dərdi-fəraq zarı ola, ağlar, ağlamaz?
Bir bülbülün ki, gülşəni pamali-xar olub,
Misli-xəzan baharı, ola ağlar, ağlamaz?
Məhnət oxu dəyibdi dili-dərdiməndimə,
Ha böylə zəxmkan ola, ağlar, ağlamaz?
Yoxdur könüldən özgə həyatımda bir güman,
Hər kim ki, boylə yarı ola, ağlar, ağlamaz?
Hər kim əsiri bir gülün ola mən kimi,
Yarı dilində xan ola, ağlar, ağlamaz?
Bidil Fəna vəfa diləyib, yara can verib,
Əğfara yar yarı ola, ağlar, ağlamaz?
Şərhlər
Şərhləri göstər Şərhləri gizlət