1. AZƏRBAYCAN

Mixail Zabelin yenidən Azərbaycan Rus İcmasının sədri seçildi

Mixail Zabelin yenidən Azərbaycan Rus İcmasının sədri seçildi

Mixail Zabelin yenidən Azərbaycan Rus İcmasının sədri seçildi

Bu gün Bakıda Azərbaycan Rus İcmasının V qurultayı keçirilib. 

Qurultayda 1200-dən çox rus diasporunu təmsil edən 250 nümayəndə iştirak edib.  

Qurultayda çıxış edən Azərbaycandakı Rus İcmasının sədri Mixail Zabelin qeyd edib ki, ruslar Azərbaycanda yerli əhali ilə bərabər hüquqlara sahibdir: 

“Respublikada rus dilinə və rus mədəniyyətinə diqqət yetirilir. Burada rus dilində olan 340-a yaxın məktəb fəaliyyət göstərir. Universitetlərin rusdilli kafedralarında 18 min tələbə təhsil alır. Bütün televiziya kanallarında rus dilində proqramlar mövcuddur. Ölkədə beş pravoslav kilsəsi fəaliyyət göstərir, onların təmiri və bərpasına dövlət tərəfindən maliyyə ayrılır”. 

Rusiyanın Azərbaycandakı səfiri Mixail Boçarnikov iki ölkə arasındakı münasibətlərin çox fəal inkişaf etdiyini və bütün istiqamətlərdə yüksəlişdə olduğunu qeyd edib. 

Qurultayda Rusiya cəmiyyətinin ölkədəki siyasi və iqtisadi islahatlar prosesində iştirakının artırılması, rus dili və mədəniyyətinin təbliğində, inkişafında və qorunmasında rolunun artırılması, humanitar və təhsil sahələrində layihələrin icrası, rus gənclərinin cəmiyyət fəaliyyətlərində fəal iştirak etməsi və respublikanın ictimai həyatı, Böyük Vətən Müharibəsində Qələbənin qeyd edilməsinin 75 illiyinə hazırlıq işləri barəsində müzakirələr aparılıb. 

Qurultay Mixail Zabelini növbəti beş il üçün Azərbaycan Rus İcmasının rəhbəri seçib.  



Təhqiredici, mövzuya aid olmayan və böyük hərflərlə yazılan şərhlər təsdiqlənməyəcək.

Ən çox baxılanlar

Editörün Seçimi

SON XƏBƏRLƏR