Ens.az
14 oktyabr 2019, bazar ertəsi
.
.
chevron_left chevron_right
DÖVLƏT VƏ SİYASƏT

Moskvanın Bakıya təklifi: müsbət cavab verə bilərik, amma...

Moskvanın Bakıya təklifi: müsbət cavab verə bilərik, amma...

298 Baxış
Moskvanın Bakıya təklifi: müsbət cavab verə bilərik, amma...

Bütöv Azərbaycan Xalq Cəbhəsi Partiyasının (BAXCP) sədri, millət vəkili Qüdrət Həsənquliyev partiyanın mətbuat xidmətinin sorğusuna cavab olaraq, Rusiya Federasiyasının Prezidenti Vladimir Putinin “Rosatom” Dövlət Korporasiyası tərəfindən Azərbaycanda Atom Elektrik Stansiyası (AES) tikilməsinə dair təklifinə münasibətini açıqlayıb.

Axar.az xəbər verir ki, Qüdrət Həsənquliyev Vladimir Putinin öz ölkəsinin marağından çıxış etdiyini xatırladıb.

Onun sözlərinə görə, Rusiyaya pul və yüksək ixtisaslı mütəxəssislərin xaricə qaçmaması üçün onların iş yerlərini qoruyub saxlamaq lazımdır:

“Təklifi əsaslandıran amillərdən biri AES tikintisi üçün bizim yetərincə vəsaitimizin olmasıdır. Digər tərəfdən, Azərbaycanda AES inşa ediləcəyi təqdirdə stansiyanın istismarına və nüvə tullantılarının basdırılmasına görə bizim Rusiyadan asılılığımız artacaq. Amma hesab edirəm ki, biz bu təklifə kiçik bir şərtlə müsbət cavab verə bilərik. Yalnız müharibə bitəndən və Qarabağ üzərində Azərbaycan öz suverenliyini bərpa edəndən sonra ölkəmizdə AES tikintisi mümkün ola bilər. Rusiya üçün Qarabağ probleminin həlli su içmək qədər sadədir. Əgər Rusiya razılaşarsa, o zaman iki reaktorun Naxçıvanda, ikisinin isə Qarabağda tikintisini sifariş edə bilərik. Ehtiyac olarsa, gələcəkdə onların sayını artırmaq da olar. Naxçıvandakı AES-dən Türkiyə, İran və Ermənistana elektrik enerjisi ixrac edərik. Ermənistandakı AES köhnəlib və istismarı təcili dayandırılmalıdır. Qarabağ azad olunandan sonra isə ora böyük investisiya qoymalıyıq, ona görə də enerjiyə tələbat dəfələrlə artacaq. Hər bir halda bununla bağlı referendum keçirilməlidir”.

BAXCP sədrinin qənaətinə görə, Qərbi Avropanın AES-lərdən imtina etdiyi bir vaxtda xalqımız yalnız Qarabağ naminə bu təklifi dəstəkləyə bilər.


VİDEO QALEREYA
1959-cu ildə çəkilmiş Ayın əks tərəfinin ilk görüntüsü. Şəkil "Luna-3" sovet kosmik aparatı ilə çəkilmişdir.
Emosiya ilə reaksiya ver!
  • 0
  • 0
  • 0
  • 0
  • 0
  • 0 Şərh
  • anonymous user
    Şərhi göndər
  • DAHA ÇOX NƏTİCƏ YÜKLƏ

X