Mqer Qriqoryan: "Azərbaycanla sərhədin demarkasiyası ilə biz suverenliyimizi möhkəmləndiririk"

Mqer Qriqoryan: "Azərbaycanla sərhədin demarkasiyası ilə biz suverenliyimizi möhkəmləndiririk"

 

"Azərbaycanla sərhədi demarkasiya etməklə Ermənistan öz suverenliyini möhkəmləndirir və zəifliklərini azaldır".

Oxu.Az Ermənistan mətbuatına istinadən xəbər verir ki, bu barədə ölkənin baş nazirinin müavini Mqer Qriqoryan jurnalistlərə müsahibəsində bildirib.

"Demarkasiya prosesi Gürcüstan sərhədindən İran sərhədinə qədər davam edəcək. Ümid edirəm ki, bu, qaydalara uyğun həyata keçiriləcək. Mən hər hansı təhlükənin yaranacağını düşünmürəm", - deyə Ermənistan rəsmisi qeyd edib

Qriqoryan onu da əlavə edib ki, sülh müqaviləsinin imzalanması və sərhədlərin demarkasiyası paralel proseslərdir, biri digərinin həyata keçirilməsi üçün əsas deyil.

Baş nazirin müavini bildirib ki, Ermənistanla Azərbaycan arasında dövlət sərhədinin demarkasiyası və sərhəd təhlükəsizliyi üzrə komissiyaların növbəti iclasının vaxtı hələlik məlum deyil.