Ens.az
21 noyabr 2019, cümə axşamı
.
.
Ülfət Ziyafətqızı

Müharibə olmasın

2000-ci ildə 15-25 yaşlı gənclər arasında keçirilmiş " Mənim Dövlətimdə sülh olarsa.." adlı Respublika baxış müsabiqəsinin şeir nominasiyası üzrə qalib olmuş şeir

Anaların ahlarından
Vətən qara bağlamasın.
Oğulların itkisinə
Yana-yana ağlamasın.

 

"Ata" sözü dodaqlarda
Soyumasın,buz olmasın.
Yanaqlara axıb düşən
Göz yaşları köz olmasın.

 

Müharibə nəfəsindən
Qoy sönməsin od ürəklər.
Güllələrin nərəsində
Dəfn olmasın xoş diləklər.

 

Könüllərdə saf duyğular
Qəm-kədərə bələnməsin.
İtirilən məhəbbətlər
Məzarlara ələnməsin.

 

Doğsun Vətən göylərində
O günəş ki,adı sülhdür.
Azadlığın sorağında
O, əllərdə bir silahdır.


X