Naftalanda 3 müasir sağlamlıq və istirahət mərkəzi tikilir
Statistik təhlillər göstərir ki, Naftalana gələn xarici turistlərin ildən-ilə həm sayı artır, həm də coğrafiyası genişlənir.
AZƏRTAC-ın bölgə müxbiri xəbər verir ki, indi şəhərin beynəlxalq turizm potensialını inkişaf etdirmək üçün Naftalanda yeni avtovağzal-otel kompleksi tikilir. Tikinti işlərində 30 nəfər çalışır. İnşaat işləri yekunlaşdıqdan sonra burada 40-50 nəfərin daimi işlə təmin olunması nəzərdə tutulub.
Yenidən qurulan 10 mərtəbəli Naftalan mehmanxanasında 35 nəfər müvəqqəti işlə təmin edilib. Hazırda binada son tamamlama işləri aparılır. Mehmanxana 172 yerlik olmaqla Naftalan Hotel & SPA adı altında fəaliyyət göstərəcək.
Naftalan şəhəri, Nizami küçəsində inşa edilən 4 mərtəbəli, 288 yerlik “Gold Naftalan” sağlamlıq və istirahət mərkəzində də tikinti işləri davam etdirilir. İnşaat işlərində 20 nəfər çalışır.
Şərhlər
Şərhləri göstər Şərhləri gizlət