Napoleonun çəkmələri 117 min avroya satıldı

Napoleonun çəkmələri 117 min avroya satıldı

Paris hərracında Napoleon Bonapartın məşhur botfortları 117 min avroya (təxminən 219 min AZN)  satılıb.

Bu barədə “Drouot” hərrac evinin “Twitter” səhifəsində yazılıb.

 

Qara rəngli çəkmələr 40 ölçülüdür və təbii dəridən hazırlanıb. Ayaqqabıların hündürlüyü 48 sm-dir. Həmçinin çəkmələrin üzərində Napoleonun tez-tez ayaqqabı aldığı parisli çəkməçi Jakın möhürü var. Ehtimal olunur ki, hər cüt ona 80 franka (təxminən 132 AZN) başa gəlirdi.

Alıcının adı açıqlanmır.

“İlk imperiyanın pərəstişkarları hələ də çoxdur”, -deyə hərrac evindən bildirilib.