Nazir müavini: “Çindən Azərbaycana növbəti vaksin partiyası gətirilib”

Nazir müavini: “Çindən Azərbaycana növbəti vaksin partiyası gətirilib”

“Bu gün Çindən Azərbaycana növbəti vaksin partiyası gətirilib”.

Ens.az Oxu.az-a istinadən xəbər verir ki,bunu jurnalistlərə açıqlamasında Səhiyyə nazirinin müavini Viktor Qasımov deyib. 

Onun sözlərinə görə, Çinin “Sinovac” şirkətinin istehsalı olan “Coronavac” vaksininin növbəti partiyası bu gün Azərbaycana çatdırılıb:

“Çinin “Sinovac” şirkətinin istehsalı olan beş milyon doza “CoronaVac” vaksininin Azərbaycana gətirilməsinə dair razılıq əldə olunub.

Hazırda ölkəyə 500 min doza peyvənd gətirilib”.

Nazir müavini qeyd edib ki, bu günə kimi Azərbaycanda 550-mindən çox insan peyvənd olunub.