Nazirlik: Apteklərdə vitamin və hərarət salıcı dərmanların qıtlığı yoxdur
“Antiviral dərmanların ev şəraitində müalicəsi tövsiyə olunmur”.
Ens.az Apa.az-a istinadən xəbər verir ki,bunu bu gün Nazirlər Kabineti yanında Operativ Qərargahın təşkil etdiyi mətbuat konfransında Səhiyyə Nazirliyinin Aparat rəhbəri Nadir Zeynalov bildirib.
N. Zeynalov deyib ki, vətəndaşlarımız özbaşına müalicə ilə məşğul olmasınlar: “Vitaminlər və mikroelementlərin yüngül yoluxmuş şəxslərə çatdırılması təmin olunur”.
Səhiyyə Nazirliyinin Aparat rəhbəri qeyd edib ki, apteklər biznes fəaliyyəti ilə məşğul olur: “Səhiyyə Nazirliyi müəyyən dərmanların daha çox gətirilməsini tövsiyə edir. Mən brifinqə gələnə qədər 2-3 aptekdə oldum, o apteklərdə vitamin və hərarət salıcı dərmanların qıtlığı yox idi”.
Şərhlər
Şərhləri göstər Şərhləri gizlət