Netanyahu Trampın İsrailin Xamneyini öldürmək planına veto qoyması xəbərini təsdiqləməyib

Netanyahu Trampın İsrailin Xamneyini öldürmək planına veto qoyması xəbərini təsdiqləməyib

İsrailin baş naziri Benyamin Netanyahu ABŞ prezidenti Donald Trampın İsrailin İranın ali dini lideri Ayətullah Əli Xameneiyə qarşı sui-qəsd planına veto qoyması ilə bağlı “Reuters“ agentliyinin xəbərini təsdiqləməyib.

Ens.Az "Apa.Az"a istinadən xəbər verir ki,Netanyahu bu haqda “Fox News” telekanalına müsahibəsi zamanı danışıb.

"Bu cür söhbətlər haqqında o qədər yalan məlumatlar var ki, onlar heç vaxt baş verməyib. Mən buna girməyəcəm. Amma sizə deyə bilərəm ki, biz lazım olanı edirik və lazım olanı edəcəyik.", - Netanyahu deyib.

 

Qeyd edək ki, “Reuters“ iki amerikalı rəsmiyə istinadən Trampın İsrailin Əli Xamneyini öldürmək planına veto qoyduğu haqda məlumat yaymışdı.