Neymardan “Real”la bağlı açıqlama
PSJ-nin ulduz futbolçusu Neymar “Real”a keçəcəyi ilə bağlı iddialara cavab verib.
Komanda.az İspaniya mətbuatına istinadən xəbər verir ki, Kataloniyaya gedərək, keçmiş klubu “Barselona”nın düşərgəsini ziyarət edən braziliyalı futbolçu, haqqında çıxan xəbərləri yalanlayıb:
“PSJ ilə müqaviləm var. Mən Parisdə qalacam”.
“Sambaçı” sabiq klubu haqqında da danışlb:
“Bəli, “Barselona”nın məşqini izlədim. Demək olar ki, hər kəslə danışdım, yaxşı vaxt keçirdik. Onlar üçün darıxmışdım”.
2017-ci ildə 222 milyon avro müqabilində PSJ-yə transfer olunan hücumçunun Kriştiano Ronaldonun boşluğunu doldurmaq üçün “Real”a transfer olunacağı deyilirdi.
Məqaləni bəyəndiniz? Sosial şəbəkələrdə izləyin!
Şərhlər
Şərhləri göstər Şərhləri gizlət