Slimfit
  1. MEDİA

Niyazi Bayramov genişmiqyaslı iməclik işlərində iştirak edib, abadlı-quruculuq işləri ilə yerində tanış olub

Niyazi Bayramov genişmiqyaslı iməclik işlərində iştirak edib, abadlı-quruculuq işləri ilə yerində tanış olub
Sakura

Niyazi Bayramov genişmiqyaslı iməclik işlərində iştirak edib, abadlı-quruculuq işləri ilə yerində tanış olub

Niyazi Bayramov genişmiqyaslı iməclik işlərində iştirak edib, abadlı-quruculuq işləri ilə yerində tanış olub

 Gəncə Şəhər İcra Hakimiyyətinin təşəbbüsü ilə növbəti dəfə iməclik və ağacəkmə aksiyası təşkil olunub. Aksiya Gəncəçay çayının məcrası və sol sahilini, habelə şəhərin digər ərzilərini əhatə edib. Gəncə Şəhər Mənzil Kommunal Təsərrüfatı İstehsalat Birliyinin Təmizlik və Yaşıllaşdırma şöbələrinin əməkdaşları səhər saatlarından başlayaraq genişmiqyaslı təmizlik və abadlıq işləri həyata keçiriblər. 

 Həyata keçirilən iməclik işləri zamanı Gəncəçay çayının məcrası məişət və digər tullantılarından təmizlənib. Yığılan tullantılar xüsusi avtomobillər vasitəsilə ərazidən daşınıblar. 

 Gəncəçay çayının sol sahilində, M.Bürcəliyev küçəsində yerləşən parkda da təmizlik və abadlıq işləri görülüb. Parkın ərazisi qurumuş ot və yarpaqlardan təmizlənib, burada olan yaşıllıqlara aqrotexniki qulluq göstərilib, ağacların dibləri bellənib, yeni ağac və gül kolları əkilib. Şair-dramaturq Abbas Səhhətin park ərazisində olan məzarının ətrafı abadlaşdırılıb.

 Gəncə Şəhər İcra Hakimiyyətinin başçısı Niyazi Bayramov işlərin gedişatı ilə yerində tanış olub, təşkil olunan ağacəkmə aksiyasında iştirak edib. Park ərazisində şəhər rəhbəri sakinlərlə də söhbət edib, onların qayğıları ilə maraqlanıb. Söhbər zamanı dilə gətirilən bir sıra müraciətlər yerindəcə öz həllini tapıb. 

 Gəncə Şəhər Mənzil Kommunal Təsərrüfatı İstehsalat Birliyinin Təmizlik və Yaşıllaşdırma şöbələrinin əməkdaşları şəhərin digər ərazilərində də anoloji işlər aparıblar. Belə ki, küçə və prospektlərdə olan dayanacaqlar xüsusi avadanlıqlarla yuyulub, yaşıllıqlar nizama salınıb. 

 Bununla yanaşı, Gəncə şəhərində dilənçirələrə qarşı reydlər də keçirilib. Həftə ərzində baş tutan reydlər zamanı Nizami Rayon Polis İdarəsi tərəfindən 45 nəfər saxlanılaraq idarəyə gətirilib. Onlardan 36 nəfərinə protokol yazılıb. Saxlanılan şəxlərlə profilaktiki söhbətlər aparılaraq, qeydiyyatda olduqları şəhər və rayonlara göndəriliblər. 

 İməclik və ağacəkmə aksiyasından sonra Gəncə Şəhər İcra Hakimiyyətinin başçısı Niyazi Bayramov Gəncə Dövlət Dram Teatrının yeni binası və Gəncə İdman Sarayında olub, burada davam edən tikinti işlərinin gedişatı ilə maraqlanıb.

 Niyazi Bayramov ilk olaraq şəhərin M.A.Abbaszadə ilə Azərbaycan bayrağı küçələrinin kəsişməsində inşa edilən C.Cabbarlı adına Gəncə Dövlət Dram Teatrının yeni binasında olub. Şəhər rəhbərinə məlumat verilib ki, burada son tamamlama işləri həyata keçirilir. Belə ki, yeni teatr binasının tamaşaçı salonunda aparılan dekorasiya və işıq sistemi ilə bağlı işlər yekunlaşıb, böyük səhnənin döşəməsi vurulub, texniki avadanlıqlar tam quraşdırılıb. Yeni teatr binasının kiçik səhnəsi və digər inzibati otaqlar da tam hazırdır. 

 İcra başçısı daha sonra inşası davam edən Gəncə İdman Sarayında aparılan işlərlə tanış olub. Niyazi Bayramova məlumat verilib ki, binanın fasadı, dam və digər müxtəlif yerlərində dəmir-beton işləri yekunlaşıb, böyük idman zalı və tribunalarda metal konstruksiyalar quraşdırılıb. Bununla yanaşı binanın zirzəmisində, birinci və ikinci mərtəbələrində hörgü-suvaq, foyesində üzləmə-bəzək, fasadında isə şüşə-vitraj işləri görülüb. Digər hissələrdə döşəmə və tavanın vurulmasına başlanılıb. Binanın fasadında böyük ölçülü LED ekran quraşdırılıb.

Görülən işlərlə tanış olan şəhər rəhbəri, işçi qrupuna öz tövsiyələrini verib. Tikintinin keyfiyyətlə aparılması və vaxtında yekunlaşdırılması əsas tapşırıqlardan olub.

Hörmətlə, Gəncə Şəhər İcra Hakimiyyəti

Məqaləni bəyəndiniz? Sosial şəbəkələrdə izləyin!

Təhqiredici, mövzuya aid olmayan və böyük hərflərlə yazılan şərhlər təsdiqlənməyəcək.