O da “İlin adamı” seçildi
“Microsoft” korporasiyasının baş direktoru Satya Nadella Böyük Britaniyanın “Financial Times” qəzetinin versiyasına əsasən “İlin adamı” seçilib. “Qafqazinfo”nun məlumatına görə, bu barədə “MİR 24” xəbər verib.
“Onun (Satya Nadella-red.) 6 ilə yaxın müddətdə postda olması nəticəsində noyabrın sonunda “Microsoft” aksionerlərinin ümumi gəliri 1 trilyon dolları aşıb”, - qəzet yazıb.
Qeyd edək ki, “Microsoft” korporasiyası 1975-ci ildə Bill Qeyts və Pol Allen tərəfindən yaradılıb. Korporasiyanın bazar kapitalizasiyası 700 milyard dollardan çoxdur.
Xatırladaq ki, ABŞ-ın “Time” jurnalının versiyasına görə İsveçdən olan 16 yaşlı iqlim fəalı Qreta Tunberq “İlin adamı” seçilmişdi.
Məqaləni bəyəndiniz? Sosial şəbəkələrdə izləyin!
Şərhlər
Şərhləri göstər Şərhləri gizlət