21 yanvar 2020, çərşənbə axşamı
.
.
chevron_left chevron_right
AZƏRBAYCAN

Ombudsman Beynəlxalq İnsan Hüquqları Günü ərəfəsində silsilə tədbirlərdə iştirak edir

Ombudsman Beynəlxalq İnsan Hüquqları Günü ərəfəsində silsilə tədbirlərdə iştirak edir

79 Baxış
Ombudsman Beynəlxalq İnsan Hüquqları Günü ərəfəsində silsilə tədbirlərdə iştirak edir

Qeyri-Hökumət Təşkilatlarına Dövlət Dəstəyi Şurasının maliyyə dəstəyi ilə “Obyektiv” Milli Dəyərlərin təbliğinə dəstək İctimai Birliyi tərəfindən hazırlanmış “Ölüm hökmü-ömürlük cəza” sənədli filminin təqdimat mərasimi keçirilib.

Ombudsman Aparatından Trend-ə verilən məlumata görə, insan hüquqları üzrə Müvəkkil (Ombudsman) Səbinə Əliyeva çıxışında 10 dekabr Beynəlxalq İnsan Hüquqları Günü münasibəti ilə tədbir iştirakçılarını təbrik edib.

Tədbirin əhəmiyyətindən bəhs edən Ombudsman Ulu Öndər Heydər Əliyev tərəfindən ictimai həyatın bütün sahələrində olduğu kimi, insan hüquq və azadlıqlarının təmini, hüquq sisteminin təkmilləşdirilməsi, o cümlədən cəza-icra siyasəti sahəsində kompleks siyasətin əsasının qoyulduğunu diqqətə çatdırıb. Ümummilli Liderin humanizm siyasəti nəticəsində 128 nəfər barəsində ölüm hökmünün icrasına moratorium qoyulmasının, daha sonra bu cəza növünün ləğv edilməsinin önəmindən bəhs olunub. Bildirilib ki, bu qərarlar insana və onun hüquqlarına verilən dəyərin göstəricisidir.

Prezident İlham Əliyev tərəfindən uğurla davam etdirilən dövlət idarəçiliyinin müasirləşdirilməsi və məhkəmə-hüquq islahatları sahəsində həyata keçirilən tədbirlərin, cəzaların icrası ilə bağlı fəaliyyətin müasir dövrün tələblərinə uyğunlaşdırılması və səmərəli idarəetmənin təşkili, çoxsaylı əfv təşəbbüsləri Ombudsman tərəfindən xüsusi diqqətə çatdırılıb.

 

Ombudsman hüquq pozmalarla bağlı səbəb və şəraitin öyrənilməsi, çəkindirici, preventiv tədbirlərin həyata keçirilməsi işinin genişləndirilməsini və bunun hər bir qurumun fəaliyyətində prioritet olmasını qeyd edib.

Ombudsman Səbinə Əliyeva çıxışının yekununda ictimai əhəmiyyət kəsb edən filmin hazırlanmasına dəstək vermiş hər kəsə təşəkkürünü bildirib, dövlət qurumlarını, vətəndaş cəmiyyəti təsisatlarını əməkdaşlığa dəvət edərək birgə görüləcək işlərin insan hüquqlarının etibarlı təmininə, ölkəmizdə həyata keçirilən islahatlara mühüm töhfə verəcəyini vurğulayıb.





Diqqət! Ens.az saytına məxsus materiallardan istifadə edərkən hiperlinklə istinad edilməlidir. Mətndə səhv tapdıqda, onu seçib ctrl + enter düyməsini basaraq bizə göndərməyinizi xahiş edirik.


Android ƏS olan smartfonunuz varsa, xəbərləri daha rahat oxumaq üçün bu linkə keçərək Play Store mağazasından Ens.az proqramını endirib quraşdıra bilərsiniz.


VİDEO QALEREYA
Səsli xəbərlər
Alkatras" türməsindən bütün tarix boyunca 36 nəfər qaçmaq istəyib, onlardan ancaq üçü bunu bacarıb. İndiyə qədər onların yeri məlum deyil, cinayət işi isə onların 100 yaşı tamam olana qədər açıq qalacaq.
Emosiya ilə reaksiya ver!
  • 0
  • 0
  • 0
  • 0
  • 0
  • 0 Şərh
  • anonymous user
    Şərhi göndər
  • DAHA ÇOX NƏTİCƏ YÜKLƏ

FAM Group Media X