Oqtay Şirəliyev sabiq müavininə vəzifə verdi

Oqtay Şirəliyev sabiq müavininə vəzifə verdi

“Respublika Diaqnostika Mərkəzi” ASC-nin direktoru Oqtay Şirəliyev səhiyyə nazirinin sabiq müavininə vəzifə verib.

Ens.az Qaynarinfo.az-a istinadən xəbər verir ki, Oqtay Şirəliyevin müvafiq əmri ilə Viktor Qasımov “Respublika Diaqnostika Mərkəzi” ASC-nin ümumi şöbəsinin müdiri və direktorun köməkçisi təyin edilib.

Viktor Qasımov saytımıza açıqlamasında xəbəri təsdiqləyib:

“Təqaüddəyəm. Həm də tibb sahəsində - “Respublika Diaqnostika Mərkəzi” ASC-də fəaliyyətimi davam etdirirəm”.

Qeyd edək ki, Oqtay Şirəliyev 2005-2021-ci illər səhiyyə naziri olub. Viktor Qasımov isə 2020-2022-ci illərdə nazir müavini vəzifəsini tutub.