Parisdə qaz sızmasına görə Şimal Vağzalı təxliyə edilib
Parisin əsas nəqliyyat qovşaqlarından olan Şimal Vağzalı (Gare de Nord) günün ikinci yarısında qaz sızması təhlükəsi səbəbilə təxliyə edilib.
Ens.az Apa.az-a istinadən xəbər verir ki, Fransa Dəmir Yolları Şirkətinin açıqlamasına görə, hadisə əsas xətlərdə 5-dən 30 dəqiqəyə qədər gecikmələrə səbəb olub.
Vağzala polis qüvvələri cəlb olunub, təhlükəsizlik səbəbilə geniş perimetrdə nəqliyyatın hərəkəti dayandırılıb.
Qaz sızması barədə ilk məlumatı polis əməkdaşları qeydə alıblar. Onlar vağzalda şübhəli qoxu hiss etdikdən sonra təcili olaraq təhlükəsizlik perimetri qurulub və insanlar vağzaldan təxliyə olunub.
Şərhlər
Şərhləri göstər Şərhləri gizlət