26 fevral 2020, çərşənbə
.
.
chevron_left chevron_right
CƏMİYYƏT

Parlamentə təkrar seçkilərin vaxtı açıqlandı

Parlamentə təkrar seçkilərin vaxtı açıqlandı

1188 Baxış
Parlamentə təkrar seçkilərin vaxtı açıqlandı

Xəbər verdiyimiz kimi, ötən gün Mərkəzi Seçki Komissiyasının (MSK) iclasında ümumilikdə 4 dairədə keçirilmiş seçkinin nəticələri ləğv edilib. Bununla əlaqədar ictimaiyyətdə sözügedən dairələrdə təkrar seçkilərin nə zaman keçirilməsi ilə bağlı məsələ gündəmə gəlib.

Məsələ ilə bağlı Axar.az-a açıqlama verən hüquqşünas Əliməmməd Nuriyev bildirib ki, qanunvericiliyə görə, təkrar seçkilərin təyin edilməsi ilə bağlı qərarı Prezident İlham Əliyev verməlidir:

“Seçki qanunvericiliyinin tələblərinə görə, nəticəsi ləğv edilən dairələrdə təkrar seçkilər keçirilməlidir və təkrar seçkilərin təyin edilməsi ilə bağlı qərarı isə ölkə Prezidenti verir. Seçki qanunvericiliyində ləğv edilən nəticələrdən sonra təkrar seçkilərin konkret müddəti göstərilməyib. Bununla bağlı norma yoxdur. Amma ötən illərin təcrübəsini nəzərə alsaq görərik ki, bir qayda olaraq bu, Konstitusiya Məhkəməsi tərəfindən seçkilərin nəticəsi təsdiq edildikdən sonra Prezident tərəfindən təxminən 2 həftə ərzində təyin olunur. Boş qalmış yerlərə görə əlavə seçkilərin keçirilməsi ilə bağlı isə qanunvericilik 1 ay müddət müəyyənləşdirib. Yəni 1 ay müddətində seçkilər təyin olunmalıdır”.

Hüquqşünas ləğv edilən dairələrdə yenidən namizədliyini irəli sürən şəxslərin seçki prosedurlarını təkrar icra etməli olduğunu da qeyd edib:

“Nəticəsi ləğv edilən namizəd də yenidən keçiriləcək təkrar seçkilərdə iştirak edə bilər. Qanunvericiliyə görə, istər təkrar, istərsə də əlavə seçkilər zamanı namizəd deputat olmaq üçün tələb olunan şərtlərə əməl etməlidir. Bununla yanaşı təkrar seçkilərdə də bütün seçki prosedurları icra edilməlidir. Yəni imza toplanmalı, təbliğat-təşviqat kampaniyası aparmalıdır. Seçki Məcəlləsi bunu tələb edir və hər kəs üçün bərabər hüquq müəyyənləşdirilib”.





Diqqət! Ens.az saytına məxsus materiallardan istifadə edərkən hiperlinklə istinad edilməlidir. Mətndə səhv tapdıqda, onu seçib ctrl + enter düyməsini basaraq bizə göndərməyinizi xahiş edirik.


Android ƏS olan smartfonunuz varsa, xəbərləri daha rahat oxumaq üçün bu linkə keçərək Play Store mağazasından Ens.az proqramını endirib quraşdıra bilərsiniz.


VİDEO QALEREYA
Səsli xəbərlər
2 qat Avropa, 4 qat Azərbaycan çempionu, 8 yaşlı şahmatçılar arasında dünya çempionatının qalibi, FİDE ustası, 2014-cü ildə Beynəlxalq usta norması adına layiq görülən 16 yaşlı azərbaycanlı Abdulla Qədimbəyli
Emosiya ilə reaksiya ver!
  • 0
  • 0
  • 0
  • 0
  • 0
  • 0 Şərh
  • anonymous user
    Şərhi göndər
  • DAHA ÇOX NƏTİCƏ YÜKLƏ

FAM Group Media X