Paşinyan: "Qarabağ məsələsinin həlli Azərbaycanla sülhü mümkün etdi"

Ermənistanın baş naziri Nikol Paşinyan bəyan edib ki, yalnız Qarabağ məsələsinin həlli Azərbaycanla sülhü mümkün edib.

Oxu.Az TASS-a istinadən xəbər verir ki, bu barədə o, xalqa müraciətində bildirib.

Paşinyanın sözlərinə görə, bəzi qüvvələr Qarabağ məsələsini sadəcə olaraq Ermənistanda öz problemlərinin həlli üçün alət kimi istifadə ediblər.

"Qarabağdan olan qaçqınlara gəlincə, mən dəfələrlə bəyan etmişəm və bir daha təkrar edirəm ki, onların Qarabağa qayıtmasını qeyri-real hesab edirəm. Üstəlik, Ermənistan və Azərbaycandan olan qaçqınların bu ərazilərə qaytarılması kimi hər iki tərəfdən müzakirə olunan bir mövzunu təhlükəli hesab edirəm",- baş nazir bildirib.

O vurğulayıb ki, Vaşinqton razılaşmaları nəticəsində Ermənistan 30 ildən artıq davam edən təcrid vəziyyətindən çıxır. Bu, bir müddət əvvəl qeyri-mümkün hesab edilən nəticədir.

Paşinyanın sözlərinə görə, Ermənistan sərhəd keçmə prosedurlarını sadələşdirməyə hazırdır.

O həmçinin ABŞ Prezidenti Donald Trampın Azərbaycanla münasibətlərin normallaşması prosesində əvəzsiz rolunu diqqətə çatdırıb.