Patriarx Kirill Azərbaycanı və Ermənistanı dialoqa çağırdı

Moskva və Bütün Rusiyanın Patriarxı Kirill Ermənistan və Azərbaycan sərhədindəki silahlı münaqişə tərəflərini dialoqu davam etdirməyə və "Qafqazda artan gərginlikdən bəhrələnənlərin" fitnələrinə uymamağa çağırıb.

Ens.az Virtualaz.org-a istinadən bildirir ki, o, konfliktin uzun illərdir həll olunmadığını və hər dəfə vəziyyət gərginləşəndə onu şəxsi ağrısı kimi qəbul etdiyini bildirib.

Patriarx Kirill həm də narahatlığını dilə gətirib: “Qafqazda gərginliyin güclənməsində maraqlı olan qüvvələrin felinə uymamağa şağırıram. Qafqazda yeni müharibə özünə müxtəlif növ terrorçu və ekstremist cəlbini qaçılmaz edəcək ki, bu da regionu uzun müddət sülh və stabillikdən məhrum edəcək”.

Kirill Rus Pravoslav Kilsəsinin Qarabağ konfliktinin həllində uzun illərə dayanan sülhməramlı fəaliyyətinin ona Azərbaycan və Ermənistan dini liderlərinə müraciət etmək imkanı verdiyini də deyib: “Əziz qardaşlar, sizdən qardaşlıq görüşlərinin gedişini möhkəmləndirməyi xahiş edirəm. Rus Pravoslav Kilsəsi konfliktin tezliklə bitməsi üçün dua edir”.