Peşə uğuru sertifikat vermə mərasimi

Dövlət Məşğulluq Agentliyi və Gənc Mühasiblər İctimai Birliyinin (GMİB) nəzdində yaradılmış "GMB Klaster Konsaltinq" şirkətinin birgə əməkdaşlığı çərçivəsində həyata keçirilən 5 aylıq "Mühasib" peşə təhsili layihəsinin tələbələrinin 2 avqust 2023-cü il tarixində #PeşəUğuru sertifikat vermə mərasimi keçirildi.

Tədbirin məqsədi cari ilin məzun qrupunun yekun hesabatının təqdim edilməsi və təltifetmə mərasiminin keçirilməsi idi. Mərasimdə Dövlət Məşğulluq Agentliyinin tədris müəssisələri ilə iş şöbəsinin müdiri Elşad Məhərov və “Financial Chain Corporation” (FCHAİN), “ENAB Group”, “Azər Legal Group”, "Global Assurance”, “Bakinar Konsaltinq” şirkətlərinin nümayəndələri və digər qonaqlar iştirak etdilər.

Gənc Mühasiblər İB-nin sədri Solmaz Əliyeva açılış nitqində "Mühasib" peşə təhsili layihəsində işsiz və işaxtaran gənclərin fəal iştirakı layihənin uğurla həyata keçirilməsinə öz töhfəsini verdiyini bildirdi.

Dövlət Məşğulluq Agentliyinin tədris müəssisələri ilə iş şöbəsinin müdiri Elşad Məhərov,  Gənc Mühasiblər İB-nin icraçı direktoru və layihənin məsul şəxsi Qərənfil Rəhman Süleymanova, təlimçi Nihad Mehmanlı və “Mühasib” peşə hazırlığı təlimlərinin koordinatoru Aytən Əbdulzadə çıxış edərək təltif edilən məzunları təbrik etdi və onlara iş fəaliyyətlərində uğurlar arzu etdilər.

 Həmçinin “İşə götürənlərin mühasiblərdən gözləntiləri” mövzusunda "Talent Staff and Business Solution" şirkətinin rəhbəri HR Sevda Quliyeva, “Əməliyyatçı mühasibdən baş mühasibə” mövzusunda isə Azərşəkər MMC-nin baş mühasibi Nərgiz Hətəmova çıxış etmişdir.

Sonda sertifikatlar təqdim edildi, bununla yanaşı məzunlar Gənc Mühasiblər İB və “Financial Chain Corporation” (FCHAİN) şirkətinin hədiyyələri ilə təltif edildilər.