Polis bir yaşlı uşağı xilas etdi
ABŞ-ın Florida ştatının Kissimmi şəhərində polis biskvit yeyərkən boğulan bir yaşlı uşağı xilas edib.
Amanda Çimmerman adlı ana oğluna biskvit yedirərkən uşaq boğulmağa başlayıb və ana kömək istəmək üçün küçəyə qaçıb.
Yoldan keçən polislər ananın fəryadına yetişib. Polis əməkdaşları uşağı qucağına alaraq kürəyinə vurmağa başlayıblar.
Uşağa ilkin yardım göstərərək onu xilas edən polislər daha sonra uşağı hadisə yerinə gələn həkimlərə təhvil verib.
Uşaq xəstəxanaya çatdırılıb, bir gün reanimasiyada qalıb. Qorxmuş ana polisə və həkimlərə təşəkkürünü bildirib.
Məqaləni bəyəndiniz? Sosial şəbəkələrdə izləyin!
Şərhlər
Şərhləri göstər Şərhləri gizlət