1. SİYASƏT

Prezident: “Ermənistan ərazisindəki qədim Azərbaycan yaşayış məntəqələri öz əsl adları ilə çağırılmalıdır”

Prezident: “Ermənistan ərazisindəki qədim Azərbaycan yaşayış məntəqələri öz əsl adları ilə çağırılmalıdır”
masin.az

Prezident: “Ermənistan ərazisindəki qədim Azərbaycan yaşayış məntəqələri öz əsl adları ilə çağırılmalıdır”

“Onlar Ermənistanı Qarabağla birləşdirmək üçün Laçın dəhlizindən əlavə ikinci yol çəkdilər. Beləliklə, Kəlbəcəri və digər əraziləri məskunlaşdırmaq, özləri üçün gediş-gəlişi daha rahat etmək üçün bu yolu çəkdilər. Bu yol birbaşa Basarkeçər rayonuna gedir. Basarkeçər rayonuna Ermənistanda Vardenis rayonu deyilir. Ancaq bu rayonun, bölgənin əsl adı Basarkeçərdir, Göyçə mahalıdır, qədim Azərbaycan torpağıdır”.

Ens.az Oxu.az-a istinadən xəbər verir ki, bu sözləri Prezident İlham Əliyev Kəlbəcər və Laçın rayonlarına səfəri zamanı deyib.

“Ermənistan ərazisində Basarkeçər rayonu 1930-cu ildə yaradılmışdır. Burada yaşayanların da mütləq əksəriyyəti azərbaycanlılar olmuşdur. O cümlədən Zod kəndinin sakinləri də azərbaycanlılar idi, onlar deportasiyaya məruz qalmışdır.

Yalnız 1969-cu ilin iyun ayında Ermənistan Basarkeçər rayonunun adını dəyişdirərək, ona Vardenis adı qoymuşdur. Bizim ümumi leksikonumuzda Vardenis yox, Basarkeçər adı bərpa edilməlidir. İndiki Ermənistan ərazisində yerləşən bütün digər qədim Azərbaycan yaşayış məntəqələri də öz əsl adları ilə çağırılmalıdır. Məsələn, indi Naxçıvan-Ermənistan sərhədində mövcud olan gərginliklə bağlı mən mətbuatda izləyirəm, bizim mətbuatda yazılır ki, Ermənistanın Yerasx kəndində, onun ətrafında hansısa hadisələr baş verib. Bu kəndin adı Arazdəyəndir, azərbaycanlılar deportasiyaya qədər orada yaşayıblar. Ona görə bütün qədimi, yəni tarixi adlar bərpa edilməlidir”, - deyə dövlət başçısı qeyd edib.

 

Məqaləni bəyəndiniz? Sosial şəbəkələrdə izləyin!

Təhqiredici, mövzuya aid olmayan və böyük hərflərlə yazılan şərhlər təsdiqlənməyəcək.

Ən çox baxılanlar

masin.az

General Əliağa Şıxlinski Molla Vəli Vidadinin nəticəsidir.

Redaktor seçimi

SON XƏBƏRLƏR