Putin: “ABŞ-ın Əfqanıstanda olması Moskvanın maraqlarına zidd deyil”

Rusiyanın prezidenti Vladimir Putin ABŞ əsgərlərinin Əfqanıstandan çıxarılmasının elanından sonra bu hərəkəti rəsmi olaraq, Əfqanıstandakı milli barışıq mənafeyi adlandıraraq dəstəklədiklərini bildirib.

Ens.az Deyerler.org-a istinadən xəbər verir ki, Vladimir Putin ABŞ əsgərlərinin Əfqanıstandakı varlığının Əfqanıstandakı maraqları ilə ziddiyyət təşkil etmədiyini söyləyib: “Təhlükəsizlik Şurasında ABŞ-ın Əfqanıstandakı hərbi mövcudluğunu dəstəklədik və hələ də ABŞ-ın Əfqanıstandakı hərbi mövcudluğunun xarici maraqlarımız üçün təhlükə olmadığını düşünürük. ABŞ əsgərlərinin Əfqanıstandan çıxarılmasının elanından sonra bu hərəkəti rəsmi olaraq Əfqanıstandakı milli barışıq mənafeyi adlandıraraq dəstəklədik”.

Putin ABŞ əsgərlərinin Əfqanıstandan çıxarılmasının bir çox təhlükələr yarada biləcəyini də söyləyib.

Putin daha sonra Rusiya ilə ABŞ kəşfiyyat xidmətləri arasında bir çox sahədə çoxsaylı ziddiyyətlərə baxmayaraq, əməkdaşlığın davam etdiyini bildirib.